Շնորհավորական

Վարչապետը շնորհավորական ուղերձ է հղել Իրաքի վարչապետին

03.10.2021

Վարչապետ Նիկոլ Փաշինյանը շնորհավորական ուղերձ է հղել Իրաքի Հանրապետության վարչապետ Մուստաֆա Աբդ Ալ-Կազեմիին՝ Ազգային տոնի առթիվ: Ուղերձում ասված է.

«Ձերդ գերազանցություն,

Ջերմորեն շնորհավորում և իմ անկեղծ բարեմաղթանքներն եմ հղում Ձեզ և Իրաքի բարեկամ ժողովրդին Իրաքի Հանրապետության Ազգային տոնի կապակցությամբ։

Արժևորում եմ մեր երկու երկրների միջև գոյություն ունեցող քաղաքական երկխոսության բարձր մակարդակը և առևտրատնտեսական հարաբերությունների հարաճուն ընթացքը։ Վերահաստատում եմ Հայաստանի պատրաստակամությունը՝ համատեղ ջանքեր գործադրելու բարեկամ Իրաքի հետ կայուն փոխգործակցությունն առավել ընդլայնելու ուղղությամբ:

Մաղթում եմ Ձեզ քաջառողջություն և ամենայն բարիք, իսկ Իրաքի բարեկամ ժողովրդին` խաղաղություն և բարեկեցություն»։

← Վերադառնալ