Շնորհավորական

Նիկոլ Փաշինյանը շնորհավորական ուղերձ է հղել Ալբանիայի Հանրապետության վարչապետին Անկախության օրվա առթիվ

28.11.2019

Վարչապետ Նիկոլ Փաշինյանը շնորհավորական ուղերձ է հղել Ալբանիայի Հանրապետության վարչապետ Էդի Ռամային Անկախության օրվա առթիվ:

Ուղերձում, մասնավորապես, ասված է. «Ջերմորեն շնորհավորում եմ Ձեզ և Ալբանիայի բարեկամ ժողովրդին Ալբանիայի Հանրապետության Անկախության օրվա կապակցությամբ՝ մաղթելով Ձեր երկրին հետագա առաջընթաց և բարգավաճում:

Հայաստանը կարևորում է հայ-ալբանական միջպետական հարաբերությունների զարգացումը երկկողմ և բազմակողմ մակարդակներում: Վստահ եմ, որ համատեղ ջանքերով մեզ կհաջողվի նոր լիցք հաղորդել մեր համագործակցությանը»:

← Վերադառնալ