ՀՀ վարչապետ Նիկոլ Փաշինյանը շնորհավորական ուղերձ է հղել Իսպանիայի Թագավարության կառավարության նախագահ Պեդրո Սանչես Պերես-Կաստեխոնին՝ Իսպանիայի Թագավորության Ազգային տոնի կապակցությամբ:

Ուղերձում, մասնավորապես, ասված է.

«Ջերմորեն շնորհավորում եմ Ձեզ և Իսպանիայի ժողովրդին Իսպանիայի Թագավորության Ազգային տոնի կապակցությամբ:

Գոհունակությամբ պետք է նշեմ, որ մեր երկրների միջև հարաբերություններն արդյունավետորեն զարգանում են: Վստահ եմ, որ համատեղ ջանքերով մեզ հաջողվելու է գրանցել նորանոր հաջողություններ:

Լիահույս եմ, որ Հայաստանի և Իսպանիայի միջև բարեկամական կապերի ամրապնդումը կշարունակի իր նպաստը բերել նաև Հայաստանի և Եվրամիության միջև հարաբերությունների ընդլայնմանը:

Օգտվելով առիթից՝ մաղթում եմ Ձեզ աշխատանքային բեղուն գործունեություն, իսկ իսպանացի բարեկամ ժողովրդին՝ խաղաղություն և բարգավաճում»: