Վարչապետ Նիկոլ Փաշինյանը շնորհավորական ուղերձ է հղել Թուրքմենստանի նախագահ Սերդար Բերդիմուհամեդովին՝ Անկախության օրվա առիթով: Ուղերձում ասված է.
«Ընդունեք, խնդրեմ, ջերմ շնորհավորանքներս Թուրքմենստանի Անկախության օրվա կապակցությամբ։
Համոզված եմ, որ մեր ժողովուրդների ավանդական բարեկամությունը, փոխադարձ հարգանքն ու ըմբռնումը կայուն հենք են փոխշահավետ համագործակցության ընդլայնման և զարգացման համար:
Վստահ եմ, որ հետևողական համատեղ աշխատանքի արդյունքում մեզ կհաջողվի նոր ծրագրեր ներմուծել երկկողմ օրակարգ և որակապես առավել բարձր մակարդակի հասցնել Հայաստանի և Թուրքմենստանի միջև գործակցությունը։
Մաղթում եմ Ձերդ գերազանցությանը քաջառողջություն և բազում հաջողություններ, իսկ Թուրքմենստանի բարեկամ ժողովրդին՝ խաղաղություն ու բարգավաճում»։