Վարչապետ Նիկոլ Փաշինյանը շնորհավորական ուղերձ է հղել Լեհաստանի Հանրապետության վարչապետ Դոնալդ Տուսկին ազգային տոնի՝ Սահմանադրության օրվա առթիվ:
Ուղերձում նշված է. «Ջերմորեն շնորհավորում եմ Ձեզ և Լեհաստանի բարեկամ ժողովրդին Լեհաստանի Հանրապետության ազգային տոնի` Սահմանադրության օրվա առթիվ:
Պատմական առնչությունների վրա հիմնված՝ Հայաստանի և Լեհաստանի ժողովուրդների բարեկամությունն այն ամուր հիմնասյունն է, որի վրա զարգացել են Հայաստան-Լեհաստան միջպետական կապերը:
Ուրախ եմ արձանագրել, որ Հայաստանի և Լեհաստանի միջև հարաբերություններն անշեղորեն զարգանում են՝ հիմնված ընդհանուր ժողովրդավարական արժեքների և փոխշահավետ համագործակցության վրա՝ ինչպես երկկողմ, այնպես էլ բազմակողմ հարթակներում:
Բարձր եմ գնահատում, որպես Արևելյան գործընկերության համանախաձեռնող, Լեհաստանի հետ համագործակցությունը Հայաստան-Եվրամիություն գործընկերության համատեքստում:
Լիահույս եմ, որ համատեղ ջանքերի շնորհիվ հնարավոր կլինի հասնել երկկողմ փոխգործակցության առավել խորացմանը՝ ի շահ Հայաստանի և Լեհաստանի ժողովուրդների:
Օգտվելով առիթից՝ մաղթում եմ Ձեզ քաջառողջություն ու հաջողություն, իսկ Լեհաստանի բարեկամ ժողովրդին՝ առաջընթաց և բարօրություն»: